I akuzuari për vrasjen e komisar Dritan Lamaj, Arben Frroku i ka bërë sot një kërkesë Gjykatës së Posaçme.
Ai i kërkon GJKKO-së t’i llogarisë edhe kohën e paraburgimit, që ka qëndruar në Greqi, kur u arrestua në vitin 2013.
Sipas televizionit “News 24”, kërkesa e Frrokut po shqyrtohet nga gjyqtari Klodian Kurushi.
Kujtojmë se Arben Frroku është dënuar nga ish-Apeli i Krimeve të Rënda me burgim të përjetshëm, por ky dënim iu konvertua me 18 vite burg në Holandë. Ai akuzohet për vrasjen e komisarit Dritan Lamaj më 24 Shkurt 2013.
Shteti holandez e ka refuzuar kërkesën për ekstradimin e Arben Frrokut drejt Shqipërisë.
