Çmimi i asetit dixhital më të vlerësuar në botë është rritur në 57,000 dollarë, duke thyer rekordin e vendosur më parë në më pak se 12 orë. Bitcoin ka treguar një rritje gati nëntë për qind brenda ditës, sipas CoinDesk.
Të premten, kriptomonedhë u rrit në një rekord prej 56,600 dollarësh uke e çuar fitimin e saj javor në 18 përqind. Deri më tani këtë vit, ajo është rritur më shumë se 92 për qind, me rritjen e së premtes që çon vlerësimin e saj në treg në 1 trilion dollarë.
Prurjet e mëdha të javës së kaluar kanë parë që kapitalizimi i tregut të bitcoin të ngrihet mbi atë të disa prej kompanive të mëdha në botë, përfshirë ndërmarrjen më të madhe të Kinës. Globalisht, Bitcoin është tani aseti i gjashtë më i vlefshëm, vetëm një vend poshtë Alfabetit të Google.
Rritja mbresëlënëse e Bitcoin është nxitur nga shenjat se po fiton pranim midis investitorëve dhe kompanive kryesore. Në fillim të këtij muaji, Tesla zbuloi se kishte bërë një investim prej 1.5 miliard dollarë në kriptovalutë. Po kështu Mastercard e Visa kanë pohuar pak ditë më parë se do nisin të pranojnë kriptomonedhat si mënyra pagese.
