Kreu i Sindikatës së Minatorëve të Bashkuar të Bulqizës, minatori Elton Debreshi është regjistruar zyrtarisht si kandidat i pavarur në zgjedhjet e 25 prillit.
Ai do garojë në qarkun e Dibrës e sot dorëzoi në KQZ listën me firmat që i duhen për t’u regjistruar.
Debreshi tha sot se synimi i tij është të përfaqësojë e mbrojë interesat e minatorëve të Bulqizës dhe të gjithë Shqipërisë si minatori i vetëm në Kuvendin e ri.
Më herët ai ka thënë se asnjëra prej partive politike që ka qenë në pushtet nuk janë interesuar për minatorët duke i lënë ata pa status.
Pak javë më parë Sindikata e Minatorëve të Bashkuar të Bulqizës dorëzoi në institucionet kryesore të vendit 11 mijë firmat për miratimin e Statusit të Minatorit.
