Pesë persona janë ekzekutuar në Somali nga një grup militant që i akuzoi se kishin spiunuar në favor të inteligjencës amerikane. Ngjarja e rëndë ka ndodhur në qytetin jugor të Jilib në rajonin e Jubës së Mesme.
Abdirahman Adan, një zyrtar lokal i administratës së Jubaland në kryeqytetin administrativ të shtetit Kismayo, i tha Anadolu Agency përmes telefonit se njerëzit e ekzekutuar nga al-Shabaab ishin civilë.
“Nuk është hera e parë që terroristët e al-Shabaab ekzekutojnë civilë dhe ata gjithashtu detyruan njerëzit e qytetit Jilib të dilnin dhe të shikonin ekzekutimin.” – tha ai.
Qindra njerëz u mblodhën në Jilib, Somalinë Jugore, ku grupi terrorist ekzekutoi pesë personat.
Juba e Mesme është rajoni i vetëm në Bririn e vendit afrikan që al-Shabaab kontrollon plotësisht.
Grupi terrorist akuzoi të pesë të ekzekutuarit se kishin spiunuar në favor të inteligjencës amerikane dhe somaleze, sipas medias së lidhur me al-Shabaab të martën.
Ata u ekzekutuan publikisht nga një skuadër pushkatimi. Lideri i Al-Shabaab, Ahmad Abu Ubaida, ndërkohë lëshoi një mesazh të ri audio duke shënuar përvjetorin e njëqind vjetorit të vdekjes së Sayid Mohamed Abdullah Hassan, një udhëheqës legjendar somalez që luftoi kundër kolonistëve britanikë dhe italianë në Somali në fillim të shekullit 20.
