Skandali seksual që trondit qeverinë e Australisë është përkeqësuar, pasi një person i brendshëm i parlamentit zbuloi në media pamje të personelit që kryente veprime seksuale në ndërtesë, të cilat ata me sa duket i filmuan dhe i ndanë mes tyre.
Ekspozimi eksploziv u bë nga një informator që shkruan me pseudonimin ‘Tom’, në kanalin 10 Neës të Australisë të dielën. Burri i siguroi kanalit ato që ai pretendon se janë fotografi dhe video të shumëfishta të personelit të lartë qeveritar, që përfshihen në veprime seksuale në vendin e tyre të punës.
“Tani është koha për të folur. Është një kulturë e burrave që mendojnë se mund të bëjnë çfarë të duan.” – tha Tom për kanalin.
Në pamjet e botuara, përfshihet fotoja e një personi që ekspozon organet gjenitale të tij me një kopje të librit të Shtëpisë së Parlamentit që shihet në sfond. Një video tjetër tregon një burrë që tregon tavolinën e një deputeteje femër Liberale dhe pastaj kënaqet duke kryer akt seksual aty.
Disa nga videot – thuhet se janë filmuar dhe shkëmbyer me krenari nga vetë personeli. Informatori tha se ai ka marrë shumë fotografi të qarta nga kolegët e tjerë të stafit.
