Vepra artistike nga një robot me famë botërore u shit në ankand për më shumë se gjysmë milioni dollarë, në mes të një bumi në skenën e kripto-artit.
Roboti Sophia, punoi me artistin dixhital italian Andrea Bonaceto për të krijuar kryeveprën e saj. Ai ndërthuri aspekte të pikturave të Bonacetos dhe njohuritë e saj të programuara të historisë së artit për të krijuar autoportretin.
Vetë Bonaceto është një piktor i mirënjohur i portreteve, pasi ka bërë një sërë portretesh të individëve të profilit të lartë, përfshirë CEO-n e Teslas, Elon Musk.
Bonaceto filloi procesin duke krijuar një portret të Sofisë, që më pas u përpunua nga rrjetet nervore të robotit. Sophia pastaj pikturoi interpretimin e saj të imazhit.
Krijuar nga firma me bazë në Hong-Kong, Hanson Robotics në vitin 2016, Sophia është bërë një sensacion viral me kalimin e viteve.
Ai është në gjendje të kryejë biseda me tingëllim natyral dhe të bëjë lëvizje dhe shprehje komplekse të fytyrës. Në vitin 2017, Arabia Saudite i dha shtetësinë e saj. Në një intervistë nga i njëjti vit, roboti tha se, në të ardhmen, robotët do të bëheshin ‘shokë të animuar dixhitalisht, ndihmës humanoidë, miq, asistentë dhe gjithçka tjetër’.
