Dy anëtarë të familjes së ish-Këshilltarit të Sigurisë Kombëtare, Michael Flynn, thonë se CNN mashtroi në mënyrë abuzive një video për t’i bërë ata të duken si mbështetës të QAnon dhe ata do e padisin rrjetin për 75 milionë dollarë.
Jack dhe Leslie Flynn, vëllai dhe kunata e ish-zyrtarit të Shtëpisë së Bardhë, ngritën padinë në Gjykatën e Qarkut në Neë York City, duke pretenduar shpifjen nga ana e CNN.
Në një video të datës 4 shkurt nga rrjeti, pamjet treguan Michael Flynn dhe familjen e tij duke festuar festën e 4 korrikut, duke recituar premtimin për Kushtetutën që anëtarët e Kongresit bëjnë dhe duke thënë, “Ku të shkojmë një, të shkojmë të gjithë”, një frazë që thuhet se është përdorur zakonisht midis mbështetësve të QAnon.
Pjesa e videos së CNN vendos citimet e Flynn në një grumbull të pamjeve të tjera që përmbajnë anëtarë aktualë të lëvizjes QAnon. Skena rrethon citimet e Flynn me pamjet e kryengritësit të Kapitolit më të njohur si QAnon Shaman.
Jack dhe Leslie Flynn argumentojnë se parulla nga videoja është e shkëputur dhe se ata nuk janë “ndjekës ose mbështetës të ndonjë grupi ekstremist ose terrorist, përfshirë QAnon”.
Ata argumentojnë se klipi audio u redaktua për të hequr pjesën ku thuhet “Zoti e bekoftë Amerikën”, si dhe betimin ndaj Kushtetutës, duke hequr çdo kontekst nga videoja origjinale.
