Foto: Report TV
Një aksident ka ndodhur ditën e sotme në Tiranë, ku një kamioncinë ka përplasur për vdekje drejtuesin e një motori.
Përplasja ka qenë e fortë dhe ka rezultuar fatale për drejtuesin e motorit shtetasin me iniciale E.Ç 27 vjeç.
Siç shihet edhe nga fotoja e publikuar nga Report TV kamionçina ndodhet në cepin tjetër të kryqëzimit, tek rruga që shkon për te gjimnazi ‘Andon Zako Çajupi’, ndërsa motori ka përfunduar me devijim në anën e rrugës Bardhyl në Unazë.
Drejtuesi i kamionçinës, shtetasi P. L, u shoqërua në ambientet e komisariatit Nr.4, për veprime të mëtejshme hetimore.
