Vendimi i Iranit për të filluar pasurimin e 60% të uraniumit është përgjigjja e duhur pas incidentit të fundit në objektin e pasurimit në Natanz, tha Presidenti Rouhani, i cili e quajti sulmin ‘terrorizëm bërthamor’.
Presidenti Hassan Rouhani shpjegoi arsyet pas vendimit për të rritur pasurimin e uraniumit ndërsa foli gjatë një mbledhje me anëtarët e kabintetit të tij të mërkurën.
Presidenti e lidhi incidentin e fundjavës në Natanz me bisedimet e vazhdueshme në Vjenë mbi marrëveshjen bërthamore të vitit 2015, e njohur si Plani i Përbashkët Përgjithshëm i Veprimit (JCPOA).
“Ju keni dashur të na çoni duarbosh në bisedimeve, por duart tona janë plot”, deklaroi Rouhani.
Objekti i pasurimit bërthamor të Iranit në Natanz u shënjestrua nga një akt i dyshuar sabotimi të dielën, kur pësoi një ndërprerje të energjisë. Teherani fajësoi Izraelin për sulmin, duke premtuar të hakmerret. Tel Aviv, megjithatë, nuk e ka komentuar incidentin.
“Nëse Sionistët ndërmarrin veprime kundër nesh, ne do të përgjigjemi. Ata morën përgjigjen e parë. Nëse krijoni një problem për IR1, ne do të fillojmë IR6 për të kuptuar se nuk mund të na ndaloni nga kjo teknologji”, tha Rouhani.
Pas incidentit, Teherani njoftoi vendimin e tij për pasurimin e uraniumit në nivelin e tij më të lartë ndonjëherë. Lëvizja do të përfshijë instalimin e rreth 1.000 centrifugave shtesë, përfshirë modelin e përparuar IR-6. Centrifuga të reja do të zëvendësojnë ato të dëmtuara gjatë incidentit në Natanz.
Presidenti iranian përsëriti gjithashtu se fati i JCPOA-së është në duart e Uashingtonit, pasi vetëm heqja e sanksioneve amerikane plotësisht do ta bëjë Iranin të përputhet përsëri me marrëveshjen historike.
“Ne jemi të qartë dhe themi se Shtetet e Bashkuara duhet të kthehen në kushtet e vitit 2015 dhe sa më shpejt që Shtetet e Bashkuara të përmbushin detyrimet e tyre dhe ne ta verifikojmë atë, edhe ne do të kthehemi te detyrimet tona,” deklaroi Rouhani.
