Programi global COVAX për zhvillimin dhe shpërndarjen e vaksinave të koronavirusit është 19 miliardë dollarë më pak sesa plani prej 22 miliardë dollarësh këtë vit, sipas kreut të Organizatës Botërore të Shëndetësisë (OBSH) Tedros Adhanom Ghebreyesus.
Ai tha në një konferencë se një shtesë prej 35 miliardë deri në 45 miliardë dollarësh do nevojiten vitin e ardhshëm për të siguruar që shumica e të rriturve në të gjithë botën të imunizohen.
Shefi i OBT-së u kërkoi kombeve të G7 të financojnë rimëkëmbjen globale të koronavirusit, duke thënë se kriza nuk mund të zgjidhet në të gjithë botën nëse ata nuk marrin masa.
“Vendet e G7 mund të mobilizojnë vetë një pjesë të konsiderueshme të këtyre fondeve dhe të drejtojnë një përpjekje globale për të përshpejtuar vaksinimin Covid-19 në të gjithë botën. COVAX (aleanca globale për të siguruar akses të barabartë në vaksinat Covid-19) ka nevojë urgjente për 20 milionë doza gjatë tremujorit të dytë të 2021 për të mbuluar ndërprerjet në furnizim të shkaktuara nga kërkesat e rritura për vaksinat në Indi ku është i vendosur furnizuesi kryesor i COVAX, AstraZeneca.” – tha ai.
