Mbi 45,000 persona kanë aplikuar për të vrarë bizonët në Grand Canyon pasi Shërbimi i Parkut Kombëtar të SHBA-së (NPS) kërkoi vullnetarë për të ndihmuar në mbipopullimin e kafshëve.
Parku kombëtar i famshëm në Arizona po kërkon 12 ‘vullnetarë të aftë’ për të zvogëluar tufën, e cila është rritur aq shumë saqë ka shkaktuar dëme të mëdha në mjedis.
Ngjarja nuk po klasifikohet si ‘gjueti’, pasi gjuetia është e ndaluar në parqet kombëtare të SHBA-së.
Disa ambientalistë kanë paralajmëruar se kjo ngjarje mund të krijojë një precedent të rrezikshëm.
Lotaria u hap të hënën dhe u mbyll pas 48 orësh me 45,040 aplikantë.
Fillimisht do të zgjidhen 25 emrat fillestarë. Pasi të verifikohen nga zyrtarët e parkut për aftësitë e tyre, duke përfshirë gjuajtjen me armë zjarri, 12 personave do t’u jepet mundësia të vrasin një bizon në zonën e parkut.
Bizonët mund të peshojnë mbi 900 kilogramë ndërsa ndjekja e kafshëve do bëhet në një terren të thyer, shkëmbor dhe nganjëherë me dëborë, me lartësi që tejkalojnë 2,440 metrat.
