Ky është çasti i frikshëm kur një shi shkëndijash elektrike të mëdha ra mbi kalimtarët e tronditur pasi një rrufe goditi telat e autobusëve elektrikë në Rusi.
Pamjet tronditëse u kapën nga kamerat CCTV në rrugë gjatë një stuhie në qytetin e Shën Peterburgut në 19 maj.
Në pamje duket një dritë verbuese që ndriçon këmbësorët, duke ecur në kryqëzimin e Rrugës Veteranov dhe Rrugës Soldata Korzuna, një çast para se të vijë një gjëmim shurdhues i bubullimave.
Në çastin tjetër, një shi i madh shkëndijash të mëdha bie në rrugë duke i bërë njerëzit të ndalojnë dhe të shikojnë të tmerruar.
Një këmbësor i strehuar nën një çadër mund të shihet duke kërcyer nga tronditja nga tingulli i gjëmimit të bubullimës dhe shiut të papritur të shkëndijave elektrike.
Sipas lajmeve, dukuria e çuditshme ndodhi pasi një rrufe goditi telat e autobusit elektrik dhe shkarkimi i fuqishëm elektrik nxiti shpërthimin dhe shkëndijat.
Për fat të mirë, askush nuk u lëndua gjatë incidentit.
