Qindra trupa ushtarake nga Belgjika dhe më gjerë, po kontrollojnë një zonë të gjerë në vendin ku një ushtar i arratisur i armatosur me armë shumë të rrezikshme besohet të jetë fshehur. Sidoqoftë, asnjë gjurmë e tij nuk është gjetur.
Një snajper i mirëstërvitur nga ushtria belge, Jurgen Conings, i cili ka përvojë luftarake në disa zona lufte përfshirë Afganistanin, Irakun dhe Libanin, u zhduk të hënën.
Pasi thuhet se u ka lënë shënime kërcënuese për jetën disa zyrtarëve të lartë, 46-vjeçari besohet se ka marrë disa raketa anti-tank, një automatik dhe një armë me një aftësi për të shpuar jelekë antiplumb nga depoja e municioneve të njësisë së tij. Conings tani është një ‘i dyshuar terrorist’, sipas mediave belge.
Prokuroria federale e ka hetuar atë për ‘vrasje në tentativë dhe armëmbajtje pa leje në një kontekst terrorist’, raportoi VRT. Autoritetet gjithashtu besojnë se i dyshuari nuk ka ‘vepruar emocionalisht’, por është mjaft i përgatitur.
Gjatë gjithë javës, rreth 400 trupa belge, si nga ushtria ashtu edhe nga policia, kanë kërkuar në mënyrë rigoroze Parkun Kombëtar Hoge Kempen në provincën belge të Limburg.
Helikopterët, makinat e blinduara dhe kamionët u vendosën në zonë, ndërsa qindra kërkuan rezervatin natyror të pajisur me kamera termike. Forcat nga Gjermania dhe Hollanda janë mobilizuar, pasi zona ku Conings besohet se po fshihet kufizohet me këto vende.
Më herët, u gjet një veturë që i përkiste të dyshuarit. Ushtari, i cili gjithashtu kishte stërvitur ushtarë të tjerë për misione të huaja, thuhet se ka bllokuar automjetin e tij me katër raketahedhës brenda. E dashura e Conings, Gëendy, raportohet të jetë ajo që lajmëroi autoritetet për zhdukjen e partnerit të saj të hënën.
Ajo thuhet se zbuloi disa letra të lëna pas, me mediat vendase që citonin Conings të shkruante se ai ‘nuk mund të jetonte më në një shoqëri ku politikanët dhe virologët na kanë marrë gjithçka’, kështu që ai ‘do të bashkohej me rezistencën dhe nuk do të dorëzohej’.
Përgatiti për Hashtag.al, K.Manjani
