Një anije udhëtimi ka mbërritur këtë të enjte në Venecia për herë të parë që nga fillimi i pandemisë së Covid-19, pavarësisht vendimit për ndalimin e anijeve të tilla të hyjnë në qendrën historike të qytetit.
Kroçera që mban emrin “Orkestra MSC” pritet të marrë rreth 650 pasagjerë të shtunën për një udhëtim mesdhetar, shkruan BBC.
Të gjithë ata duhet të kenë kryer testet dhe të kenë rezultuar negativë për Covidin, para se të lejohen të hipin.
Por protestuesit e mjedisit po planifikojnë një tubim, duke thënë se anijet e lundrimit po shkatërrojnë themelet e qytetit historik italian.
Një demonstrim rival pritet gjithashtu pritet të organizohet për të shtunën në mbështetje të rinisjes së sezonit turistik.
Figura të njohura si Mick Jagger dhe Francis Ford Coppola, kanë nënshkruar një letër të hapur që bën thirrje për një ndalim të plotë të anijeve të mëdha që ankorohen në Venecia.
Në letrën për qeverinë italiane, e cila u përpilua nga Fondacioni Venecian i Trashëgimisë, këta personazhe thanë se qyteti rrezikonte të “rrëmbehej” nga anijet e lundrimit.
Ardhja e kroçerës në Venecia vjen dy vjet pasi një anije tjetër lundrimi, “MSC Opera”, u përplas në një nga doket e Venecias. Por për fat të mirë nga ky incident nuk kishte të lënduar.
