Kryeministri hungarez ka qortuar ashpër homologun e tij holandez, duke i thënë Amsterdamit që të qëndrojë larg politikës hungareze, pasi kritikoi veprimin e Budapestit për të parandaluar portretizimin e homoseksualitetit tek të miturit.
Duke folur për radion publike të premten, kryeministri hungarez Viktor Orban iu kundërpërgjigj kryeministrit holandez Mark Rutte dhe mentalitetit të tij ‘kolonial’, pasi ai i tha Budapestit të respektojë të drejtat LGBTQ + ose të largohet nga Bashkimi Evropian.
“Kjo është një qasje koloniale. Ata thjesht nuk japin asnjë mendim për atë që mund dhe nuk mund të thonë për një komb tjetër dhe ligjet e një vendi tjetër.” – tha Orban.
Javën e kaluar, Rutte, gjatë një takimi të BE-së, sfidoi Orban duke i thënë të largohej nga blloku evropian, duke vënë në dukje se politikat dhe perspektivat e Budapestit nuk ishin qartë në përputhje me Brukselin. Hungaria ‘nuk ka më punë në Bashkimin Evropian’, deklaroi Rutte, duke shtuar se qëllimi i tyre ishte ta gjunjëzonin Budapestin për të drejtat e LGBTQ +.
Komentet e kryeministrit holandez pasojnë miratimin e një ligji të ri në Hungari më 15 qershor. Ndërsa ligji duket se përqendrohet në rritjen e ndëshkimit për pedofilë të dënuar, ai gjithashtu përcakton që homoseksualiteti nuk mund të portretizohet ose të promovohet në moshat nën 18 vjeç.
Orban pretendon se ligji është keqkuptuar, duke deklaruar: “Kjo nuk është kundër homoseksualitetit. Ka të bëjë me të drejtën e fëmijëve dhe prindërve.”
Udhëheqës të tjerë janë bashkuar me dënimin e Orban, por nuk kanë shkuar aq larg sa të kërkojnë largiin e Hungarisë nga BE-ja. Presidenti francez Emmanuel Macron tha se BE mund të përdorë kompetencat gjyqësore në dispozicion të saj për të ndëshkuar Hungarinë, por tha se ai nuk dëshironte të përdorte Nenin 50 (duke nisur një përjashtim nga BE).
