Zyrtarët në Venezuelë thonë se 22 anëtarë të dyshuar të një bande kriminale dhe katër oficerë policie kanë vdekur pas dy ditësh përplasje me armë në kryeqytetin Karakas.
Ministrja e Brendshme Carmen Meléndez thotë se një numër i paspecifikuar civilësh u vranë dhe gati 40 njerëz u plagosën nga këto përplasje me armë.
Siç shkruan BBC, qindra oficerë kanë nisur një operacion për kapjen e drejtuesve të bandave, të cilët kërkojnë të zgjerojnë territorin e tyre. Një banor tha se ishte “si një luftë”.
Policia ka sekuestruar armë, përfshirë 24,000 fishekë.
Një oficer i tha agjencisë së lajmeve AFP se autoritetet tani ishin nën kontroll, por pranuan se “mund të ketë akoma disa snajperë”. Zonja Meléndez tha se policia kishte “përparuar në çmontimin e strukturave kriminale që janë vendosur në këto territore”.
Ajo tha se oficerët kishin liruar qytetarët e rrëmbyer nga bandat dhe do të qëndronin të vendosur “për aq kohë sa të ishte e nevojshme”.
Qeveria Venezuelës ka ofruar shpërblime deri në 500 mijë dollar për informacionin që çon në ndalimin e bosëve të bandave. Grupet lokale të të drejtave të njeriut bënë thirrje për një de-përshkallëzim të dhunës, duke shprehur “shqetësim të thellë për jetën dhe sigurinë” e banorëve vendas.
Ndërsa të shtënat duket se kanë përfunduar, dhjetëra civilë janë larguar nga shtëpitë e tyre, të frikësuar nga plumbat.
“Ne po përjetojmë trauma.”- tha një banor për agjencinë e lajmeve Associated Press.
Kyështë operacioni i parë ndër vite që autoritetet kanë filluar një operacion të madh kundër bandave, raporton AFP.
Qeveria akuzon opozitën, se me ndihmën e fuqive të huaja, ka orkestruar dhunën për të “destabilizuar” Presidentin Nicolás Maduro.
Por mediat e opozitës thanë se qeveria ishte fajtore.
