Pekini ka kundërshtuar të përfshihet në hetimin e Organizatës Botërore të Shëndetësisë (OBSH) për origjinën e Covid-19, duke cituar mosmiratimin e tij ndaj çdo hetimi mbi mundësinë që virusi ka ardhur nga një laborator.
“Qeveria kineze nuk do të marrë pjesë në një fazë të dytë të hetimit të OBSH-së për atë që shkaktoi pandeminë”, tha të enjten Zeng Yixin, nënkryetari i Komisionit Kombëtar të Shëndetit të Kinës.
Zyrtari i lartë i shëndetësisë tha në një konferencë për shtyp në Pekin se ai ishte “i befasuar” kur pa kërkimin në teorinë e rrjedhjes nga laboratori të Covid-19, që fillimisht u hodh poshtë nga OBSH si shumë e vështirë.
“Në disa aspekte, plani i OBSH-së për fazën tjetër të hetimit të origjinës së koronavirusit nuk respekton arsyen e shëndoshë dhe është kundër shkencës. Është e pamundur që ne të pranojmë një plan të tillë,” tha ai.
Liang Wannian, një shkencëtar i vjetër dhe përfaqësues kinez në hetimin e përbashkët të OBSH-së, tha gjatë së njëjtës konferencë për shtyp se, në vend që të kthehej në Kinë, ekipi i ekspertëve duhet t’i jepte përparësi mundësisë që koronavirusi të ketë origjinën tek kafshët.
Ai gjithashtu vuri në dukje raportet e Covid-19 që u gjetën në ujërat e ndotura nga vende të ndryshme në të njëjtën kohë kur sëmundja u zbulua për herë të parë në Ëuhan dhe sugjeroi që hetuesit të zgjerojnë kërkimet e tyre në vende jashtë Kinës.
