Policia ka arrestuar tre persona si autorë të dyshuar për zjarrvënie të qëllimshme në zonat e Vlorës dhe Sarandës.
Ndalimi i shtetasit S. Q, 59 vjeç, banues në fshatin Dukat u bë pasi kys htetas dyshohet se në datën 27.07.2021, ka djegur me zjarr një sipërfaqe me shkurre dhe bimësi të egër, në zonën e quajtura “Toc” dhe “Gjolpec” në Karaburun.
Gjithashtu u bë arrestimi në flagrancë i shtetasit I. S., 45 vjeç, banues në Përmet.
Ky shtetas dyshohet se mesditën e sotme, ka ndezur zjarr në një sipërfaqe toke, me qëllim pastrimin e saj dhe si pasojë e përhapjes së flakëve është djegur dhe një sipërfaqe pylli me pisha, në fshatin Delisuf.
Ndërsa në Sarandë iu vunë prangat në flagrancë për veprën penale “Shkatrrimi i pronës me zjarr” i shtetasit L. M, 53 vjeç, pasi dyshohet si autori i zjarrvënies në fshatin Shalës, ku është djegur një sipërfaqe toke, rreth 2 hektarë.
Materialet në ngarkim të tyre i kaluan Prokurorisë së Rrethit Gjyqësor Vlorë, për veprën penale “Shkatrrimi i pronës me zjarr”.
