Një shkollë në Kaliforni po heton një video virale që tregon një mësuese të shkollës së mesme duke u mburrur për heqjen e flamurit amerikan nga klasa e saj dhe duke sugjeruar që një student të betohet për besnikëri ndaj flamurit LGBTQ.
Mësuesja, e identifikuar nga Fox News të shtunën si Kristin Pitzen e shkollës së Newport Mesa në Orange County, u pa në një video virale në mediat sociale duke folur mbi ngjarjen.
“Unë gjithmonë i them klasës sime, ‘Qëndroni nëse ju pëlqen, mos qëndroni nëse ju pëlqen, thoni fjalët nëse dëshironi, nuk keni pse t’i thoni fjalët,” tha ajo.
Problemi, tha mësuesja me të qeshur, ishte se ajo hoqi flamurin amerikan vitin e kaluar sepse i dukej i pakëndshëm dhe ajo nuk ka qenë në gjendje të gjejë pasi nuk e di ku e ka hedhur.
Disa nxënës ishin në mëdyshje për betimin tradicional që bëhet para flamurit amerikan kështu që Pitzen i tha njërit prej tyre: “Ne kemi një flamur në klasë ndaj të cilit mund të zotoheni për besnikërinë tuaj” dhe më pas tregon duke qeshur një flamur LGBT.
Pitzen jep anglisht si gjuhë të dytë në Back Pay High School në Costa Mesa, sipas profilit të saj në LinkedIn, i cili ishte hequr që nga e shtuna. Llogaria e saj TikTok gjithashtu dukej se ishte hequr.
Rrethi Newport Mesa i tha Fox se incidenti i mësueses ishte nën hetim.
Përgatiti për Hashtag.al, Klodian Manjani
