Mijëra kultivues të gjetheve të kokainës pushtuan tregun kryesor në kryeqytetin e Bolivisë, La Paz, të hënën pas një mosmarrëveshjeje njëjavore mbi kontrollin e tij. Policia përdori gaz lotsjellës në përpjekje për t’i ndaluar ata.
Policia gjuajti breshëri me gaz lotsjellës, ndërsa protestuesit hodhën gurë dhe fishekzjarre, dhe përdorën kontejnerë të mëdhenj plehrash për të ngritur barrikada të improvizuara.
Forcat e sigurisë u detyruan përfundimisht të tërhiqeshin pasi fermerët nga një grup i quajtur Komiteti i vetëmbrojtjes morën tregun në lagjen Villa Fatima, ku tregtohet 90% e gjetheve të ligjshme të kokainës në vend, sipas OKB-së.
AFP raportoi se dy protestues dhe dy anëtarë të forcave të sigurisë u plagosën. Një grup kultivuesish të gjetheve të kokainës nga rajoni i Bolivisë, Las Yungas, po luftojnë për kontrollin e tregut me një grup rival që thuhet se është aleat me autoritetet. Las Yungas gëzonte një monopol në rritjen e gjetheve të kokainës deri në vitin 2017, kur Presidenti i atëhershëm Evo Morales legalizoi prodhimin e kokainës në rajonin e tij të Cochabamba.
Përplasjet të hënën pasuan javë protestash nga aktivistë autoktonë të cilët kërkojnë që qeveria të respektojë të drejtat dhe zakonet e tokës së tyre.
“Ne vendosëm të luftojmë për të rimarrë tregun tonë të kokainës. Ne treguam se ne jemi prodhuesit e vërtetë tradicionalë, dhe jo ai grupi pro-qeveritar që donte të vendosej në mënyrë të paligjshme dhe të na nënshtronte me anë të qeverisë.” – shkroi të hënën Shoqata Departamentale e Prodhuesve të Kokës (ADEPCOCA).
