Një grua nga Colorado Springs u hoq nga një listë aktive e pritjes së transplantit të veshkave për shkak të faktit se ajo është e pavaksinuar.
Kandidatja për transplant, Leilani Lutali, tha se ajo mori një letër nga Spitali i Universitetit të Kolorados që e informonte atë se ajo ishte fshirë nga lista e pritjes për ‘mospërmbushje duke mos marrë vaksinën Covid’, dhe se ajo kishte 30 ditë kohë për të bërë dozën e saj të parë për t’u kthyer në statusin aktiv të pritjes, raportoi të mërkurën një bashkëpunëtor lokal i Fox.
“Nëse vendimi juaj është të refuzoni vaksinimin kundër Covid, ju do të hiqeni nga lista e transplantit të veshkave.” – vazhdoi letra, siç citohet nga një kopje e marrë dhe e shpërndarë në Twitter nga përfaqësuesi i Kolorados, Tem Geitner.
Lutali, donatori i mundshëm i veshkave të të cilës gjithashtu thuhet se është i pavaksinuar, tha se jeta e saj do të ishte në rrezik nëse asaj i mohohet procedura dhe ka shprehur shqetësime rreth vaksinës për arsye të paspecifikuara.
Ajo gjithashtu ka argumentuar se mund të mos ketë efektin e synuar për shkak të barnave imunosupresive që do të administroheshin pas operacionit të transplantit.
