Ish-i dërguari i Shtëpisë së Bardhë për dialogun Kosovë-Serbi, Richard Grenell, ka reaguar lidhur me tensionet që shoqëruan sot një aksion policor në Veri të Kosovës.
Grenell shkruan në një postim në “Twitter”, se veprimet e sotme në veri janë thyerje e marrëveshjes së Brukselit. Ai akuzon politikanët në Prishtinë, se ky është një veprim i ndërmarrë në prag të zgjedhjeve lokale. Ai i bën thirrje presidentit të SHBA-ve Joe Biden, që të reagojë lidhur me këtë situatë.
“Marrëveshja e Brukselit është e qartë dhe duhet të ndiqet – kjo është një shkelje e saj.
Manipulimet politike nga disa në Prishtinë para zgjedhjeve lokale të së dielës në Kosovë duhet të ndalen. Kjo është e rrezikshme dhe e pamatur.
Joe Biden gjithashtu nuk duhet të heshtë për këtë situatë.”- shkruan Grenell.
The Brussels Agreement is clear & should be followed – this is a violation of it.
The political manipulations by some in Pristina before Sunday’s local elections in Kosovo must stop. This is dangerous & reckless.
Joe Biden must also not be silent on this situation. https://t.co/Tpvxbpux0U
— Richard Grenell (@RichardGrenell) October 13, 2021
