Presidenti rus Putin është një ‘mik i vërtetë’ i popullit hebre dhe ka punuar shumë gjatë 20 viteve të fundit për të forcuar lidhjet e Moskës me Izraelin, tha kryeministri i vendit Naftali Bennett të premten në mëngjes.
Duke folur për shtypin në fillim të një vizite pune në Bocharov Ruchey, rezidenca presidenciale ruse në Soçi, Bennett sugjeroi që të dy vendet të punojnë për të ndërtuar marrëdhëniet e tyre ekonomike dhe politike.
“Për 20 vitet e fundit dhe madje edhe më shumë, ju keni udhëhequr procesin e forcimit të lidhjeve midis vendeve tona dhe i keni sjellë ato në këtë nivel.” – i tha Bennett, Putinit.
“Unë do të doja t’ju them në emër të të gjithë vendit tonë, të të gjithë njerëzve tanë se ne shohim tek ju një mik shumë të ngushtë, të vërtetë të shtetit të Izraelit dhe popullit hebre.” – shtoi ai.
