Shtetasi me iniciale H.N rreth 40 vjeç është gjetur i pajetë në rrugën “Bab Rexha” në Tiranë.
Ky shtetas u gjet brenda kabinës elektrike dhe dyshohet se ka hyrë atje për të pushuar.
“Rreth orës 17:00, në rrugën “Bab Rexha” është konstatuar nga punonjësit e OSHEE-së, brenda kabinës elektrike, pa shenja jete shtetasi H. N, rreth 40 vjeç.
Paraprakisht dyshohet se ky shtetas kishte hyrë brenda kabinës elektrike për të pushuar, dhe dyshohet se ka rënë në kontakt me rrymën elektrike dhe për pasojë ka humbur jetën.
Grupi hetimor punon për sqarimin e plotë e rrethanave të ngjarjes”-njoftojnë shërbimet e policisë.
