Mes një rritjeje të rasteve të Covid-19, Gjibraltari ka anuluar festimet zyrtare të Krishtlindjeve dhe ka shkurajuar ‘fuqishëm’ njerëzit për të mos organizuar tubime private për katër javë. E gjithë popullata e Gjibraltarit është e vaksinuar.
Qeveria e Gjibraltarit kohët e fundit njoftoi se ‘festat zyrtare të Krishtlindjeve, pritjet zyrtare dhe tubimet e ngjashme’ janë anuluar dhe këshilloi publikun që të shmangë ngjarjet dhe festat sociale për katër javët e ardhshme. Hapësirat e jashtme rekomandohen të përdoren krahasuar me ato të brendshme, ndërsa prekja dhe përqafimi nuk nxitet e po kështu këshillohet mbajtja e maskave.
“Rritja drastike e numrit të njerëzve që rezultojnë pozitivë për Covid-19 ditët e fundit është një kujtesë e fortë se virusi është ende shumë i përhapur në komunitetin tonë dhe se është përgjegjësi e të gjithëve që të marrim çdo masë paraprake të arsyeshme për të mbrojtur veten dhe të dashurit tanë”, tha ministrja e Shëndetësisë, Samantha Sacramento.
Gjibraltari, një territor i vogël britanik jashtë vendit që ndan një kufi tokësor me Spanjën, ka parë mesatarisht 56 raste Covid-19 në ditë gjatë shtatë ditëve të fundit, nga më pak se 10 në ditë në shtator.
Më shumë se 118% e popullsisë së Gjibraltarit janë plotësisht të vaksinuar kundër Covid-19, me këtë shifër që shkon përtej 100% për shkak të dozave që u jepen spanjollëve që kalojnë kufirin për të punuar ose vizituar territorin çdo ditë. E gjithë popullata e rritur e Gjibraltarit është vaksinuar plotësisht që nga marsi, dhe maskat ende kërkohen në dyqane dhe në transportin publik.
Gjibraltari po jep tani doza përforcuese për moshat mbi 40 vjeç, punonjësit e kujdesit shëndetësor dhe ‘grupet e tjera të cenueshme’ dhe po bën vaksina për fëmijët e moshës nga 5 deri në 12 vjeç.
