Një aksident ka ndodhur mesditën e kësaj të mërkure në zonën e Yzberishtit në Tiranë. Policia ka njoftuar se një furgon që transportonte nxënës shkolle është përplasur me një mjet tjetër.
Pas aksidentit, një mësuese dhe 13 nxënës janë dërguar për kontroll mjekësor në spital. Për fat të mirë ata nuk pësuan dëmtime fizike.
“Rreth orës 13:40, në Yzberisht, janë përfshirë në përplasje mjeti fugon që transportonte disa nxenës shkolle me drejtues shtetasin A. H me mjetin me drejtues shtetasin D. T.
Si pasojë kanë shkuar për kontroll mjekësor 1 mësuese dhe 13 nxënës, të cilët fatmirësisht nuk kanë pësuar dëmtime fizike nga përplasja e mjeteve.”- thuhet në njoftimin e Policisë.
Grupi hetimor ndodhet në vendngjarje dhe po punon për sqarimin e rrethanave të aksidentit.
