Një 21-vjeçar me precedent penal në fushën e vjedhjes së pronës dhe armëmbajtjes pa leje është arrestuar nga policia pasi theu masën e sigurisë “Arrest në shtëpi” dhe qëlloi me armë zjarri në ajër, në fshatin Arrameras të Krujës.
Në pranga ra shtetasi L. B., 21 vjeç, banues në fshatin Borizanë, i dënuar më parë vjedhje.
Ky shtetas kishte thyer masën e sigurisë “Arrest në shtëpi”, kishte shkuar në fshatin Arrameras dhe në orët e mbrëmjes ka qëlluar me armë zjarri pistoletë në ajër, në afërsi të banesave.
21-vjeçari, sapo ka parë shërbimet e Policisë ka fshehur armën e zjarrit dhe është larguar, por është kapur disa minuta më vonë, njofton policia.
Vijon puna për gjetjen e armës së zjarrit pistoletë me të cilin 21-vjeçari ka qëlluar në ajër.
Materialet i kaluan Prokurorisë së Rrethit Gjyqësor Krujë, për veprime të mëtejshme, për veprat penale “Armëmbajtja pa leje”, “Prishja e rendit dhe e qetësisë publike” dhe “Largimi i të burgosurit nga vendi i qëndrimit”.
