Një person ka vdekur dhe dhjetëra janë plagosur pasi shpërthimit të vullkanit në ishullin Java të Indonezisë.
Banorët e këtij ishulli u filmuan duke u larguar me vrap nga një re gjigante hiri që dilte nga mali Semeru ku ndodhet vullkani.
16.50
BPBD Provinsi Jatim dan BPBD Lumajang telah menuju lokasi untuk melakukan assesment dan evakuasi warga di sekitar Gunung Semeru. Silahkan mention jika ada yang dilokasi@PRB_BNPB pic.twitter.com/DYj8qIW23u— jogjaupdate.com (@JogjaUpdate) December 4, 2021
Dëshmitarët thanë se fshatrat e afërta ishin të mbuluara me copëza dhe tymi i dendur që fshihte diellin, duke i lënë ata në errësirë.
Zëvendëskryetarja e qarkut Lumajang bëri të ditur se numri i të plagosurve ka shkuar në 41, duke thënë se ata kishin pësuar djegie.
Indah Masdar kërkoi helikopterë për të ndihmuar në shpëtimin e të paktën 10 personave të bllokuar në ndërtesa.
“Ne jemi në ankth të madh.”- tha ajo, citon BBC. “Është pikëlluese, familjet e tyre po qajnë të gjitha”. Agjencia e Indonezisë për zbutjen e fatkeqësive (BNPB) më vonë tha se kishte dijeni për 35 persona që po trajtoheshin në objektet mjekësore lokale.
Përpjekjet për evakuim janë penguar nga tymi mbytës, ndërprerja e energjisë elektrike dhe stuhitë e shiut gjatë shpërthimit që i kthyen copëzat në baltë.
