Presidenti brazilian Jair Bolsonaro u dërgua në spital herët në mëngjes të hënën për trajtimin e një obstruksioni të dyshuar të zorrëve.
66-vjeçari ka postuar një foto ku shihet i shtrirë në shtratin e spitalit. Ai tha se ishte ndjerë i sëmurë pas drekës të dielën dhe se do t’i nënshtrohet më shumë testeve për të përcaktuar nëse kërkohet operacion.
Bolsonaro u pranua në Spitalin Vila Nova Star në Sao Paulo, tha faqja e lajmeve G1.
Në korrik, Bolsonaro kaloi katër ditë në të njëjtin spital, ku u trajtua për ngatërrim zorrësh dhe lemzë të vazhdueshme.
Sipas revistës së lajmeve UOL, mjekët e konsideruan operacionin në atë kohë, por në fund vendosën kundër tij, sepse shëndeti i presidentit u përmirësua.
Politikani u godit me thikë gjatë fushatës elektorale të 2018-ës dhe i është nënshtruar katër operacioneve lidhur me incidentin. Atij gjithashtu iu hoq një gur në fshikëz dhe iu nënshtrua vazektomisë. Ai u shërua nga Covid-19 në vitin 2020.
Dr. Antonio Luiz Macedo, i cili operoi Bolsonaron pas goditjes me thikë, tha se atij iu tha nga ekipi i presidentit se ai ankohej për dhimbje barku.
