Marina amerikane ka njoftuar konfiskimin e një sasie të madhe heroine, me vlerë rreth 4 milionë dollarë, e cila u sekuestrua nga një anije peshkimi në Detin Arabik.
Personeli amerikan në bordin e ‘USS Tempest’ dhe ‘USS Typhoon’ po punonte si pjesë e një task force ndërkombëtare ndërsa po kryente një ‘imbarkim të verifikimit të flamurit’, tha Marina.
Task Forca e Kombinuar (CTF) deri më tani këtë vit ka sekuestruar drogë ilegale në det me vlerë më shumë se 193 milionë dollarë, sipas njoftimit për shtyp të së enjtes, që ata pretendojnë se është më e lartë se katër vitet e mëparshme së bashku.
CTF 150 është pjesë e Forcave të Kombinuara Detare me 34 vende, me seli në Bahrein nën Komandën Qendrore Detare të Forcave të SHBA dhe Flotës së Pestë të SHBA. Forcat operojnë duke patrulluar dhe kryer operacione kundër terrorizmit në det.
Heroina e zbuluar më 27 dhjetor u ‘shkatërrua në det’, thanë zyrtarët. Nëntë anëtarët e ekuipazhit të anijes pa shtetësi thuhet se u liruan pasi u mor droga. Ekuipazhi u identifikua si iranian, sipas deklaratës së Marinës.
Komandanti Timothy Haëkins, një zëdhënës i Flotës së Pestë, nuk specifikoi prodhuesin e drogës apo destinacionin përfundimtar të synuar.
