Lojtari i Mançester Junajtid, Cristiano Ronaldo, ka zbuluar se sa kohë dëshiron të vazhdojë të luajë teksa ka fituar çmimin e tij të fundit nga FIFA, duke ndarë gjithashtu një shkëmbim prekës me ikonën braziliane Pele.
Duke marrë çmimin special në ceremoninë e FIFA-s për thyerjen e rekordit ndërkombëtar të golave të të gjitha kohërave në 2021 duke arritur 115 gola për Portugalinë, 36-vjeçari ishte një nga lojtarët e paktë që mori pjesë personalisht në ngjarjen e mesjavës.
“Kur shkoj në fushë, edhe në stërvitje, ende kënaqem. Motivimi është ende aty, edhe pse së shpejti do të mbush 37 vjeç.” – filloi ai.
“Ndihem mirë, ndihem i motivuar. Kam vazhduar të punoj shumë që në moshën 18-vjeçare. E dua futbollin, e kam ende atë pasion dhe dua të vazhdoj. Njerëzit ndonjëherë më pyesin se sa vite të tjera do të luaj dhe unë them se shpresoj të luaj edhe katër, pesë vjet të tjera.” – tha Ronaldo.
