Kreu i Partisë Socialdemokrate në Kosovë, Dardan Molliqaj është arrestuar afër zyrave të televizionin T7 ku pritej të jepte intervistë për emisionin Pressing.
Molliqaj ishte i ftuar në Pressing për të diskutuar lidhur me protestën e fundit kundër shtrenjtimin të energjisë dhe për arrestimin e aktivistit të PSD-së sot.
Ai është arrestuar dhunshëm nga Policia e Kosovës, raporton Express.
Policia e Kosovës ishte duke e kërkuar Molliqajn që nga dita kur u mbajt protesta e PSD-së kundër shtrenjtimit të rrymës elektrike, vendim ky që pritet të merret së shpejti pasi ZRRE-ja i ka bërë rekomandim qeverisë.
Në protestë, doli një video ku shihej Dardan Molliqaj teksa godiste me shuplakë një zyrtar policor.
