Presidenca ka publikuar listën e kandidatëve që kanë aplikuar për një vend vakant në Gjykatën Kushtetuese i cili krijohet nga mbarimi i mandatit të anëtarit Përparim Kalo.
Në listë janë emrat e ish-prokurores së Përgjithshme të përkohshme Arta Marku, kreut aktual të Këshillit të Lartë të Prokurorisë apo edhe Komisionerit për të Drejtën e Informimit dhe Mbrojtjen e të Dhënave Personale.
Emrat i përcillen Këshillit të Emërimeve në Drejtësi për verifikim dhe më pas i sugjerohen Presidentit një listë me emrat e kualifikuar dhe të rendidur sipas pikëve të marra.
- Zonja Ardita Buna
- Zonja Arta Marku
- Zonja Arta Vorpsi
- Zoti Besnik Dervishi
- Zonja Elida Take
- Zoti Gent Ibrahimi
- Zonja Juliana Latifaj
- Zoti Maksim Qoku
- Zonja Manjola Xhaxho
- Zoti Sandër Beci
Për kandidaturat e mëparshme mes Presidentit dhe KED-së ka pasur një përplasje për shkak të procedurave.
