Autoritetet kanadeze bënë një shtysë për të larguar protestuesit e fundit nga Ura e Ambasadorit dhe zonat përreth të dielën, pasi u desh të mbyllnin kalimin kufitar në Windsor, Ontario me barrikada javën e kaluar.
Policia filloi arrestimin e demonstruesve që nuk respektonin urdhrin dhe të tërheqë automjetet që mbështesin protestën e kamionistëve kundër kufizimeve Covid, vaksinimit të detyrueshëm e pasaportës së vaksinave në Kanada. Ata i larguan protestuesit nga ura të dielën përpara se të bënin arrestime.
Zëdhënësi i policisë së Windsor, rreshteri Steve Betterridge u tha gazetarëve se rreth 12 persona u arrestuan nga protestat dhe pretendoi se nuk kishte incidente të dhunshme midis demonstruesve dhe policisë.
“Kam kënaqësinë të them për 12 të arrestuarit se nuk ka pasur fare dhunë. Asnjë dhunë nuk ka pasur mes protestuesve e policisë.” – tha ai.
