Policia e Brukselit ka ndërmarrë një operacion bastisjesh shtëpish në zona të ndryshe të këtij shteti, ku në qendër të vëmendjes ka qenë goditja e një bande shqiptare të trafikut të drogës. Mediet raportojnë se ky është ndoshta operacioni më i madh i drogës që është realizuar ndonjëherë nga Belgjika.
Qindra efektivë policie kanë kryer nga mëngjesi i së martës 100 deri në 200 kontrolle në banesa, për të shkatërruar një bandë droge. Si objektiv thuhet se ka qenë goditja e bandës shqiptare dhe tregtisë së tyre ndërkombëtare të drogës dhe të armëve.
Aksioni vjen falë zhbllokimit të sistemit të komunikimit të koduar Sky ECC, me të cilin mjedisi kriminal punon prej vitesh. Hetuesit shpresojnë të jenë në gjendje të ngatërrojnë dhjetëra të dyshuar dhe një ngarkesë të madhe droge.
Fokusi i operacionit është Brukseli, Antverpa dhe Liezhi. Por operacionet po vijojnë edhe në vende të tjera si Gjermania, Holanda dhe Italia.
Një operacion i përmasave të tilla po mbështetet nga Europoli dhe Interpoli.
Në total deri më tani janë arrestuar 30 persona.
Kjo është hera e dytë brenda pak muajsh që në Belgjikë nis një aksion i gjerë kundër trafikut të drogës. Në mesin e tetorit të vitit të kaluar, një hetim i ngjashëm çoi në pranga një bande droge, shumica e anëtarëve të të cilës ishin me origjinë shqiptare. Rreth gjashtëdhjetë të dyshuarve iu hoq liria. Shumë prej tyre janë ende në burg.
