Rezervat e gazit natyror në Gjermani, e cila ka një nga kapacitetet më të larta të depozitimit nëntokësor në Evropë, kanë rënë në nivele historikisht të ulëta krahasuar me vitet e mëparshme.
“Norma tani është rreth 35%,” tha një përfaqësues i Ministrisë së Ekonomisë gjatë një konference për shtyp duke shtuar se qeveria ‘po mbikëqyrte nga afër situatën’.
Zyrtari ka pranuar se zënia e magazinave është nën nivelin e viteve të fundit, duke theksuar: “Në çdo rast duam ta ndryshojmë këtë në vitet në vijim.”
Përdorimi i objekteve të magazinimit në Gjermani nuk përcaktohet nga shteti, por nga tregu, tha përfaqësuesi i ministrisë. Javën e kaluar, qeveria pranoi se rezervat e gazit të vendit kanë rënë në nivele ‘shqetësuese’.
Konsumatorët evropianë panë rritjen më të madhe të çmimeve historikisht për energjinë elektrike, gazin dhe naftën për ngrohje në vitin 2021.
Në shtator, çmimi i gazit në tregun evropian kaloi vlerën historike prej 1000 dollarë për mijë metra kub dhe është rritur më tej duke arritur në 2000 dollarë për mijë metra kub në tetor.
Ekonomistët kanë paralajmëruar për rritje të çmimeve të energjisë deri në dimër. Megjithatë, qeveria gjermane kishte pohuar se ‘furnizimet ishin të siguruara’ dhe se nuk ka rrezik për mungesa.
