Shtëpia e Bardhë po planifikon sanksione të reja të përshtatura për të mbytur sistemin bankar të Rusisë nëse Moska zgjedh të pushtojë Ukrainën, raportoi Reuters të hënën.
Duke cituar tre burime anonime ‘të njohura me këtë çështje’, Uashingtoni po planifikon gjithashtu të shënjestrojë disa individë dhe kompani ruse duke ngrirë asetet e tyre të huaja dhe duke i ndaluar që të përdorin dollarë amerikanë për të kryer transaksione ndërkombëtare.
“Administrata e Presidentit Joe Biden ka përgatitur një paketë fillestare sanksionesh kundër Rusisë që përfshin ndalimin e institucioneve financiare amerikane nga përpunimi i transaksioneve për bankat kryesore ruse,” raportoi Reuters. Shtëpia e Bardhë, megjithatë, ka refuzuar të komentojë.
Sanksionet amerikane janë krijuar për të dëmtuar ekonominë ruse duke e përjashtuar atë nga rrjetet globale të tregtisë, pasi shumica e transaksioneve ndërkombëtare kryhen në dollarë amerikanë.
Ndërsa paketa e masave është ende në finalizim, ende nuk dihet se cilat banka do të jenë në shënjestër.
