Polonia do të rifillojë ndërtimin e seksionit danez të tubacionit Baltik, i cili synon të lidhë vendin me fushat norvegjeze të gazit. Të paktën kështu njoftoi sot operatori danez i rrjetit “Energinet”, citon RT.
Tubacioni synon të reduktojë varësinë e Polonisë nga gazi rus, por ndërtimi i tij u ndërpre në maj të vitit 2019 për shkak të shqetësimeve mjedisore.
Megjithatë, mes sanksioneve të fundit të BE-së kundër projekteve ruse të energjisë mbi operacionin ushtarak në Ukrainë, lojtarët e industrisë i frikësohen ndërprerjeve të furnizimit me energji elektrike.
Një nga arsyet kryesore për ringjalljen e tubacionit Baltik ishte ndalimi i pacaktuar i Gjermanisë javën e kaluar të certifikimit të projektit rus “Nord Stream 2”. Tubacioni i përfunduar nga Rusia në Gjermani nën Detin Baltik do t’i kishte siguruar Evropës një furnizim shtesë me gaz natyror.
“Energinet” tha se kishte marrë një leje të re mjedisore nga Agjencia Daneze e Mbrojtjes së Mjedisit për të rifilluar ndërtimin në zonën, ku më parë ishte pezulluar.
Kompania tha se pret që tubacioni të jetë pjesërisht funksional nga 1 tetori i këtij viti dhe të arrijë kapacitetin e plotë operacional deri në 10 miliardë metra kub deri në janar të vitit 2023.
