Presidenti i Ukrainës, Volodymyr Zelenskyy, njoftoi herët të enjten se do të krijohen gjashtë korridore humanitare për evakuimin e civilëve në mes të sulmit të Rusisë në vend.
Evakuimet do të bëhen nga qytetet Kiev, Sumy, Enerhodar, Mariupol, Izyum dhe Volnovakha, tha Zelenskyy në një video të publikuar në kanalin e tij Telegram.
“Ne ishim në gjendje të organizonim tre korridore humanitare në rajonin e kryeqytetit Kiev dhe qytetet Sumy dhe Enerhodar. Afro 35,000 njerëz u shpëtuan.” – tha ai.
Duke vënë në dukje se përpjekjet do të vazhdojnë edhe nesër, ai tha: “Ne po përgatisim gjashtë korridore humanitare. Gjithashtu do të largojmë njerëzit nga qytetet Mariupol, Izyum dhe Volnovakha.”
Të paktën 474 civilë janë vrarë dhe 864 të tjerë janë plagosur në Ukrainë që nga fillimi i luftës së Rusisë më 24 shkurt, sipas shifrave të OKB-së.
