Organizata Botërore e Shëndetësisë (OBSH) thuhet se i ka thënë Kievit që të asgjësojë materialet e rrezikshme kërkimore të mbajtura në laboratorë anembanë vendit për të parandaluar rrjedhjen e patogjenëve ose lëshimin e tyre ‘aksidentalisht’.
Agjencia e OKB-së zbuloi hollsitë pas rekomandimit të saj për Ukrainën në deklaratat për Reuters dhe agjencinë ruse të lajmeve TASS të premten.
“Si pjesë e kësaj pune, OBSH-ja i ka rekomanduar fuqimisht Ministrisë së Shëndetësisë në Ukrainë dhe organeve të tjera përgjegjëse që të shkatërrojnë patogjenët me kërcënim të lartë për të parandaluar çdo rrjedhje të mundshme”, tha agjencia e OKB-së, cituar nga Reuters. Deklarata nuk specifikonte as natyrën e materialeve që duheshin shkatërruar, as datën.
Agjencia thuhet se i tha vetëm Reuters se kishte punuar me Kievin prej ‘disa vitesh’ për t’u siguruar që ‘lirimi aksidental ose i qëllimshëm i patogjenëve’ të mos ndodhte kurrë.
Ushtria ruse më parë akuzoi Uashingtonin për krijimin dhe financimin e një rrjeti ‘laboratorësh biologjikë’ në Ukrainë, si pjesë e një programi të supozuar të armëve biologjike.
Ministria e Mbrojtjes e Rusisë pretendoi të enjten se dokumentet e sekuestruara në objektet kërkimore të Ukrainës sugjerojnë se SHBA po planifikonte të ‘punonte mbi patogjenët e shpendëve, lakuriqëve të natës dhe zvarranikëve’ dhe potencialisht të studionte nëse këto kafshë mund të transmetonin sëmundje të tilla të rrezikshme si virusi i murtajës afrikane e antraksit.
Të premten, Moska i bëri thirrje Këshillit të Sigurimit të OKB-së që të mblidhet për të diskutuar mbi programet e armëve biologjike të mbështetura nga SHBA në Ukrainë.
Qeveria e SHBA dhe ajo ukrainase i kanë mohuar me forcë pretendimet, duke këmbëngulur se asnjë program i armëve biologjike nuk ka ekzistuar ndonjëherë në Ukrainë.
Presidenti ukrainas Volodymyr Zelesky deklaroi të premten se shumica e objekteve të kërkimit biologjik të vendit të tij ishin trashëguar nga koha sovjetike dhe ishin ‘të fokusuara në shkencën civile’.
