Një grua ka humbur jetën dhe tetë persona janë plagosur pas një aksidenti të rëndë në Uashington, ku një automjet ka përfunduar brenda një restoranti.
Fox 5 shkruan se të paktën pesë prej të plagosurve u plagosën rëndë. Tre të plagosurit e tjerë janë trajtuar për plagët e tyre dhe janë lënë të shkojnë në shtëpi.
Policia thotë se drejtuesi i mjetit ishte një i moshuar i cili humbi kontrollin e mjetit dhe përfundoi në zonën e jashtme të ngrënies të një restoranti. Incidenti ndodhi rreth mesditës së të premtes në restorantin Parthenon në bllokun 5500 të Connecticut Avenue.
Crash with Mass casualty incident declared 5500 block Conn. Ave NW. Vehicle struck outside seating area of restaurant. #DCsBravest triaging multiple patients. No structural damage. pic.twitter.com/RTQN8hHr8u
— DC Fire and EMS (@dcfireems) March 11, 2022
Zyrtarët e policisë dhe zjarrfikësve thanë se i moshuari, i cili ende nuk është identifikuar, ka qëndruar në vendngjarje për të bashkëpunuar. Ata besojnë se përplasja ishte një aksident. Zyrtarët thonë se nuk u raportuan dëme strukturore në ndërtesë.
