Bristol Myers Squibb Co (BMY.N) tha të premten se rregullatorët amerikanë miratuan ilaçin e parë në një klasë të re të imunoterapive të kancerit si një trajtim fillestar për melanomën e avancuar, formën më vdekjeprurëse të kancerit të lëkurës.
Kompania tha se pret që trajtimi përfundimisht të mbledhë shitje vjetore prej më shumë se 4 miliardë dollarësh.
Administrata e Ushqimit dhe Barnave e SHBA miratoi ‘relatlimab’ nga një klasë e njohur si frenuesit LAG-3 – shkurt për gjenin 3 të aktivizimit të limfociteve – për përdorim në kombinim me imunoterapinë e Bristol, ‘Opdivo’ si një trajtim fillestar për melanomën e avancuar.
‘Relatlimab’, i cili do të shitet nën emrin e markës ‘Opdualag’, dyfishoi kohën që iu desh melanomës së përparuar që të përkeqësohej në krahasim me ‘Opdivo’ vetëm në provat klinike, një masë e njohur si mbijetesa pa progresion.
Ilaçi është imunoterapia e tretë e miratuar e Bristol Myers për kancerin – ilaçe që nxisin mbrojtjen e trupit në luftën kundër tumoreve. Opdivo synon një proteinë të quajtur PD-1.
‘Relatlimab’ do të përdoret vetëm në kombinim me ‘Opdivo’, tha në një intervistë shefi mjekësor Samit Hirawat.
Hirawat tha se frenuesit LAG-3 si ‘relatlimab’ mund të ringjallin sistemin imunitar duke rivendosur funksionin e qelizave T ‘të rraskapitura’ – një komponent kyç i sistemit imunitar – i cili mund të përmirësojë performancën e ‘Opdivo’.
