Është transportuar drejt spitalit të Traumës në Tiranë Nuredin Dumani, i cili u arrestua mbrëmjen e djeshme në Fier pas një atentati me armë në Elbasan.
Dumani mori një plumb në shpatull e pas një operacioni në spitalin e Fierit është dërguar nën masa të rrepta sigurie drejt kryeqytetit.
Dyshohet se Dumani ka lidhje me mjetin tip ‘BMW’ që u gjet i bërë shoshë nga plumbat në Elbasan.
I ndaluari ka qenë një nga personat më të kërkuar në vend pasi dyshohet si i përfshirë në një sërë ngjarjesh kriminale.
Ai dyshohet si ekzekutori i vëllait të Talo Çelës e katër të rinjve në Durrës.
