Një zyrtar rus akuzoi Ukrainën për sulmet ajrore ndaj një depoje nafte në qytetin kufitar të Belgorodit të premten, pavarësisht raporteve se sulmi mund të ketë qenë një operacion i rremë për të justifikuar më tej sulmin brutal të Moskës ndaj Ukrainës.
Guvernatori rajonal i Rusisë Vyacheslav Gladkov shkroi në Telegram se dy helikopterë ukrainas ndezën zjarrin që shpërtheu në objekt, duke plagosur dy punëtorë, sipas Reuters.
Ministri i Jashtëm ukrainas, Dmytro Kuleba, i pyetur të premten se kush qëndron pas shpërthimeve, tha se ai nuk mund ‘të konfirmojë dhe as të kundërshtojë pretendimin se Ukraina ishte e përfshirë në këtë sulm sepse nuk e posedon të gjithë informacionin ushtarak’.
Ministria e Mbrojtjes e Ukrainës tha se po kryen operacione mbrojtëse dhe nuk mund të mbahet përgjegjëse për ‘çdo katastrofë në territorin e Rusisë’, raportoi Reuters.
Një gazetar gjerman pohoi gjithashtu se Shtabi i Përgjithshëm i Forcave të Armatosura të Ukrainës ka mohuar të ketë dijeni për sulmin dhe sugjeroi se mund të kishte qenë një operacion i rremë rus.
