SPAK ka nisur hetimin pasuror ndaj pronarit të kompanisë ‘Alba Exotic Fruit’, Eduart Dauti, në konteinerët e së cilës u gjet një sasi prej 12 kilogramësh kokainë në korrik të vitit të shkuar. Prokuroria dyshon se disa pasuri të Dautit janë vënë nëpërmje veprimtarisë kriminale.
Ai u la në burg nga gjykata pak ditë më pasi akuzohet si pjesë e një grupi kriminal që merrej me trafik droge.
Në gjashtë raste të ndyshme, në konteinerët me banane që vinin nga Amerika e Jugut në pronësi të kompanisë ‘Alba Exotic Fruit’ janë gjetur sasi kokaine sipas prokurorisë.
Dauti i ka mohuar akuzat ndaj tij duke thënë se kokaina është futur në porositë e tij me banane nga grupe të ndryshme kriminale që synonin të godisnin biznesin e tij.
