Departamenti Amerikan i Shtetit ka urdhëruar diplomatët që të lirojnë një konsullatë në Kinë, duke përmendur një rritje të infeksioneve me koronavirus dhe masat e reja drakoniane të kontrollit. Të gjithë qytetarëve amerikanë u është kërkuar gjithashtu që të mos udhëtojnë drejt vendit aziatik.
Një këshillë e lëshuar në fillim të javës u bëri thirrje të gjithë punonjësve jo të rëndësishëm të largoheshin nga konsullata e SHBA-së në Shangai ‘për shkak të rritjes së rasteve të Covid-19’, si dhe ndikimit të kufizimeve të vendosura nga autoritetet kineze në përgjigje të pandemisë.
Duke vënë në dukje ‘qasjen e tolerancës zero’ të qeverisë ndaj virusit, për të cilin tha se ndikon rëndë udhëtimin dhe qasjen në shërbimet publike, Departamenti i Shtetit vazhdoi t’u kërkojë amerikanëve të rishqyrtojnë udhëtimin në vend, madje duke paralajmëruar se kufizimet mund të nënkuptojë ‘rrezikun e ndarjes së prindërve dhe fëmijëve’.
Kufizimet e reja përfshijnë ‘karantina rezidenciale, testime masive, mbyllje, ndërprerje të transportit’ dhe bllokime, shtoi departamenti, duke vënë në dukje se ato shpesh zbatohen pa paralajmërim dhe mund të ndryshojnë shumë shpejt.
Pekini reagoi ashpër ndaj njoftimit të mëparshëm, me zëdhënësin e Ministrisë së Jashtme Zhao Lijan duke deklaruar se Kina ishte ‘shumë e pakënaqur dhe ka kundërshtuar me vendosmëri akuzat e pabaza të palës amerikane kundër përgjigjes epidemike të Kinës’.
Shangai është shfaqur si një nga pikat kryesore të nxehta të Covid-19 të Kinës në javët e fundit, duke regjistruar një rekord prej 26,087 infeksionesh të reja të dielën, megjithëse vetëm 914 ishin simptomatike, sipas zyrtarëve lokalë.
Më shumë se 12,000 mjekë janë vendosur në metropol nga rajone të tjera, përfshirë 2,000 nga ushtria, në mes të një nisme të re të testimit masiv, ndërsa qendra të reja karantine janë krijuar për ata që rezultojnë pozitivë.
Qeveria fillimisht vendosi bllokime të pjesshme në qytetin e stërmadh prej 26 milionë banorësh përpara se të zgjeronte politikën në një urdhër të plotë të qëndrimit në shtëpi, por autoritetet thonë se masat do të hiqen dalëngadalë në javët e ardhshme.
