Presidenti ukrainas Volodymyr Zelensky i ka thënë Rusisë se arritjet e saj të fundit në lindje të vendit janë vetëm të përkohshme dhe se trupat e saj do të detyrohen të kthehen përtej kufirit.
Ai i bëri këto komente në video-mesazhin e tij të fundit drejtuar kombit.
“Në jug dhe në lindje të vendit tonë, pushtuesit vazhdojnë të bëjnë gjithçka për të pasur arsye për të folur të paktën për disa fitore. Ata po grumbullojnë forca, po çojnë grupe të reja taktike batalionesh në tokën tonë. Madje po përpiqen të fillojnë kështu të ashtuquajturin mobilizim në rajonet e pushtuara të Ukrainës.
Asnjë nga këto hapa nuk do ta ndihmojë Rusinë në luftën kundër shtetit tonë. Ata vetëm mund të vonojnë të pashmangshmen – kohën kur pushtuesit do të duhet të largohen nga territori ynë. Në veçanti nga Mariupoli – një qytet që vazhdon t’i rezistojë Rusisë, pavarësisht gjithçkaje pushtuesi thonë.”-është shprehur Zelensky sipas BBC.
Forcat ruse pushtuan 42 fshatra në rajonin lindor të Donetskut të enjten, por Ukraina mund t’i rimarrë ato. Të paktën siç tha një ndihmës i shefit të shtabit të presidentit Zelensky në televizionin kombëtar.
