SHBA nuk është e interesuar për paqen në Ukrainë, por në vend të kësaj po bën gjithçka që mundet që konflikti në vend të zgjasë sa më gjatë që të jetë e mundur, tha zëdhënësi i Ministrisë së Jashtme kineze Zhao Lijian gjatë një konference për shtyp.
“Ndërsa komuniteti ndërkombëtar po bën thirrje për përfundimin e armiqësive, SHBA vazhdon t’i hedhë benzinë zjarrit dhe tregon gatishmëri për të luftuar deri në ukrainasin e fundit.” – këmbënguli Zhao, duke iu referuar ndihmës financiare të vazhdueshme dhe dërgesave të armëve nga Uashingtoni në Kiev.
“Qëllimi i tyre nuk është arritja e paqes, por të sigurohen që konflikti të zvarritet. Siç thonë vetë amerikanët, ata po kërkojnë të dobësojnë Rusinë.” – tha ai.
“Për sa i përket asaj nëse SHBA-ja sjell paqe apo luftë, siguri apo kaos, supozoj se të gjithë i dimë përgjigjet e këtyre pyetjeve.” – shtoi zëdhënësi.
Në fillim të kësaj jave, Sekretari i Mbrojtjes i SHBA-së, Lloyd Austin pranoi se, duke ndihmuar Kievin, Uashingtoni donte të shihte ‘Rusinë të dobësuar në atë masë sa nuk mund të bëjë ato gjëra që ka bërë në pushtimin e Ukrainës’.
Të enjten, presidenti amerikan Joe Biden i kërkoi Kongresit një fond shtesë prej 33 miliardë dollarësh për të mbështetur Ukrainën në konfliktin e saj të vazhdueshëm me Rusinë.
Në të njëjtën ditë, ligjvënësit amerikanë votuan në një skemë huadhënieje për Kievin. Nëse miratohet nga presidenti Joe Biden, do ta bënte më të lehtë për Uashingtonin dërgimin e armëve në Ukrainë, por vendi do të duhej të paguante përfundimisht për ato dërgesa. Moska tashmë ka paralajmëruar se masa mund të bëjë që Ukraina të futet në një gropë borxhi që do të prekë kombin për breza.
