Blogeri dhe kritiku i njohur i qeverisë ukrainase, Anatoly Shariy, është arrestuar nga policia spanjolle si pjesë e një operacioni ndërkombëtar, njoftoi të enjten Shërbimi i Sigurisë së Ukrainës (SBU).
Shariy u arrestua të mërkurën në një operacion të përbashkët nga policët spanjollë dhe ukrainas, si dhe nga ‘partnerët’ ndërkombëtarë, tha SBU në një deklaratë.
Agjencia e shërbimit inteligjent, që është pasardhësja e KGB-së sovjetike, tha se figura e opozitës kërkohet me akuzën e tradhtisë nga Kievi, ndër të tjera.
Shariy ka shkelur sigurinë kombëtare të Ukrainës përmes veprimtarisë së tij në fushën e medias, ndërkohë që dyshohet se ka vepruar në emër të forcave ‘të huaja’, këmbënguli ajo. Çështja kundër YouTuber-it me gati 3 milionë abonentë nis inë shkurt 2021.
“Arrestimi i Shariy është më shumë provë se çdo tradhtar i Ukrainës herët a vonë do të marrë dënimin e tij të merituar. Është e pashmangshme.” – pohoi SBU.
Njoftimi ukrainas u konfirmua nga policia spanjolle, e cila tha për RIA-Novosti se Shariy u arrestua në qytetin bregdetar të Tarragona më 4 maj me një urdhër arresti ndërkombëtar.
Shariy kishte marrë azil politik në BE nga Lituania në vitin 2012. Në atë kohë, ai tha se po ikte nga persekutimi nga qeveria e Viktor Janukoviç, të cilin media perëndimore e quajti pro-rus.
Janukoviç u rrëzua pas grushtit të shtetit në Maidan në 2014, por blogeri mbeti një kritik i ashpër i autoriteteve në Ukrainë, qoftë Presidentit Petro Poroshenko apo pasardhësit të tij Volodymyr Zelensky.
Ai dënoi operacionin ushtarak të Rusisë në Ukrainë pasi ai filloi në fund të shkurtit, por vazhdoi të nënvizonte atë që ai e shihte si e metë në sjelljen e Kievit gjatë konfliktit në vazhdim.
Azili politik i blogerit u anulua nga Lituania në janar të këtij viti.
Sipas raportimeve të mediave, bashkëshortja e tij blogere u lirua nga paraburgimi spanjoll dhe u vendos nën kufizime udhëtimi. Ai do të qëndrojë në Barcelonë ku ka një shtëpi në pritje të një vendimi për ekstradimin e tij në Ukrainë.
