Mastercard nisi së fundmi një program për shitësit për të ofruar metoda biometrike pagese, si njohja e fytyrës dhe skanimi i gjurmëve të gishtërinjve.
Në arkë, përdoruesit do të detyrohen të vërtetojnë pagesën e tyre duke treguar fytyrën ose pëllëmbën e dorës në vend që të lejohen të paguajnë me kartë ose me para në dorë.
Programi ka filluar tashmë në pesë dyqane ushqimore St Marche në Sao Paulo, Brazil, me më shumë prova të planifikuara gjithashtu për Azinë dhe Lindjen e Mesme. Mastercard thotë se planifikon ta shpërndajë atë globalisht më vonë këtë vit.
Kompania e pagesave dëshiron të përhapë programin në mbarë botën për shitësit e vegjël dhe të mëdhenj. Ajay Bhalla, presidenti i kibernetikës dhe inteligjencës në Mastercard, tha: “Mënyra se si ne paguajmë duhet të mbajë ritmin me mënyrën se si jetojmë, punojmë dhe bëjmë biznes, duke ofruar zgjedhje për konsumatorët me nivelet më të larta të sigurisë. Qëllimi ynë me këtë program të ri është që t’i bëjmë blerjet një përvojë të shkëlqyer si për konsumatorët ashtu edhe për tregtarët, duke ofruar sigurinë dhe komoditetin më të mirë. Të gjitha hulumtimet që kemi bërë na kanë treguar se konsumatorët e duan biometrikën.”
Mastercard citoi një studim që pretendon se 74% e popullsisë globale ka një ‘qëndrim pozitiv’ ndaj biometrisë.
